Jou ki te samdi 30 septanm 2022 a, zenfèyis nan baz gang Vitelhomme Innocent touye ak kout zam Harold Alabré ki se yon polisye ajan Linite Sekirite Jeneral Palè Nasyonal (USGPN), epwi yo pran kò viktim nan. Viktim nan bwè dlo bouch li nan zòn “Torcel” ki sitiye l anndan komin Taba. Selon sa “Trip foumi enfo” ki se yon ajans près anliy rapòte.

Ajan polisye USGPN ki tonbe anba kout zam manm gang Vitelhomme nan sòti nan trèzyèm pwomosyon Polis Nasyonal Dayiti (PNH) la. Harold Alalabré bwè dlo bouch li anba kout bal kriminèl san fwa ni lwa, ki tabli katye jeneral yo nan zòn “Torcel”. Asosyasyon kriminèl sa nou sot site a se yon chèf gang ki rele Vitelhomme Innocent k ap dirije l.

Aprè zenfèyis Vitelhomme yo fin asasinen ajan polisye sa anba kout bal, yo pran kò viktim nan, epwi ale avè l. Selon sous nou sot site a, chèf gang Vitelhomme ta deklare l gen pou piti 2 lòt polisye sou lis pou l ekzekite.

Polisye Harold Alabré kriminèl Vitelhomme yo fè bwè dlo bouch li a, te nan wout pou rantre lakay li, nan moman sila yo mete fen nan lavil. Nan moman nap ekri la zenfèyis yo kenbe kò viktim nan.

Wilnor MEDILIEN

Aidez-nous en partageant l'article ! Sipote nou, pataje atik la ak tout moun!
3 thoughts on “Ayiti/Ensekirite: Bandi ak zam nan baz gang Vitelhomme touye ajan polisye USGPN Harold Alabré, epi ale ak kò viktim”
  1. Hi, Neat post. There is a problem with your web site in internet explorer, would test this… IE still is the market leader and a big portion of people will miss your fantastic writing because of this problem.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Facebook