Nan yon entèvyou li bay Radyo Mega, nan emisyon Boustè Romanes Samedy anime, maten jedi 22 Sektanm 2022, militan ki te sal estati papa Nasyon an, Jean Jacques Dessalines ak fatra sou Channmas, jounen 20 Sektanm, jou ki te make anivèsè kokenchenn konbatan sa , di li regrèt sa k pase epi pwofite padon pou zak sa a li te komèt e di tou se pa sèl li menm ki lotè zak sila a.

Yon sèten Jean Baptiste Raymond, non militan ki te sal imaj papa Dessalines sou Channmas la pran mikwo Radyo mega pou l mande padon pou zak baba sa a li lotè a. Li fè konnen li fè sa paske li endinye pou l wè se sèlman chak lè memoryal yo vin fè similak nan pye Dessalines pou sa anprè a te reprezante pou Nasyon sa a. Pa gen okenn otorite ki janm vin fè anyen ankò. Etandone li wè kèk moun t ap vini ak flè pou yo depoze, sa rann li fache, li boude.

Pi lwen, li deklare nan mikwo Radyo mega se pa sèl li menm ki te komèt zak sila a, se yo senk men se sèl ak foto l yo fè pil pale anpil. Li deklare li te mache ak 4 lòt militan ankò ki, se daprè sa l di, manm pati politik Ayiti An Aksyon (AAA), Youri Latortue ap dirije. Men li menm, Raymond, pa manm okenn pati, toujou daprè pawòl militan an.

Raymond di li regrèt sa k pase a. Poutèt sa, li di l i desann li byen ba pou l mande tout Nasyon an padon malgre li konnen gen yon pil ak yon makòn konsekans ki ka kache dèyè zak li komèt la. Pi lwen, fè konnen se kounya a l ap wè se yon zak politik ki te byen monte nan biwo Youri Latortue a.

N ap fè konnen depi 2 jou enfòmasyon sa a fè anpil pale de li nan tout peyi a. Jiskaske menm swadizan Premye Minis lan, Ariel Henry, te di zak sa a p ap rete san pini. Yon zak ki lakòz anpil moun ap kritike Youri Latortue, daprè yo, voye nèg yo al fè sa. Men Militan an prezise sa k pase a pou l di yo se senk ki komèt zak la, li menm li se Raymond, te genyen tou, Jovany, Fanfan epi li di li pa sonje non rès militan yo.

Hamilton FRANÇOIS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook