Yon nouvo jounen mobilizasyon tanmen jodi lendi 19 septanb 2022 an, sitou aprè dènye deklarasyon Premye Minis konsteste an, Ariel Henry, yèswa. Anpil moun pran lari plizyè kote nan peyi an pou pwoteste, ladan yo Pòdepè.

Pèp la kontinye fè pase soufrans li nan lari an. Anpil kote nan peyi an bloke, jodi lendi an. Pwotestasyon kont lavi chè, grangou, pri gaz, ensekirite ak depa Ariel Henry.

Aprè plizyè lòt kote, dechoukay la ap kontinye nan Pòdepè. Depi byen bonè nan maten Vil la bloke epi popilasyon nan 6èm seksyon Mòn Kayo an pote ale ak tout sa yo jwenn nan Biwo Pwoteksyon Sivil.

Anplis, nan Depatman Lwès, Komin Kafou leve kanpe tou aprè Dèlma ak plizyè kote k te fè sa depi yèswa. Daprè enfòmasyon ki rive jwenn redaksyon jounal Mano Actualité an, okenn veyikil paka sikile tèlman gen gwo barikad.

Jefferson VOLCIMUS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook