Jou ki te 13 septanm 2022 a nan kad gwo mobilizasyon kont gouvènman Ariel Henry a popilasyon Tigwav la desann nan lari yon lòt fwa ankò pou krache kolè l kont, nèg ak zam lou k ap simen dèy anndan peyi a, kidnapin, lavi chè ak pwoblèm gaz la ki pa janm sispann repete an Ayiti. Manifestan yo ki te move kou konn rive sakaje plizyè enstitisyon piblik kou prive nan vil Tigwav.

Byen bonè nan madi 13 septanm nan, plizyè ri nan site ” Faustin Soulouque” la te gen gwo barikad ak kawoutchou ki t ap brile. Pòt enstitisyon yo te rete fèmen nan vil Tigwav, sou wout nasyonal nimewo 2 a bagay yo te vrèman malouk.

Manifestan yo ki te move kou gèp panyòl te atake plizyè enstitisyon tankou Bank Nasyonal de Kredi, Lofis Asirans Veyikil ak Elektrisite Leta Ayisyen an. Gen yen kèk nan manifestan sila yo ki te lage atè baryè enstitisyon sila yo, yon lòt gwoup manifestan pote boure anndan enstitisyon yo, gen plizyè dokiman ki te anndan enstitisyon sila yo ki chire ap drive atè.

Manifestan yo te lanse anpil pawòl piman bouk kont premye minis Ariel Henry, yo mande pou mouche sa tchoula kò l nan tèt peyi a, selon yo menm ki pap regle anyen. Yo kontinye pou di si mouche Ariel Henry rete sou pouvwa peyi a ap plonje nan kawo.

Manifestan yo pa konte fè kèk atè douvan pouvwa san pitye Ariel Henry a, ki moute tèt nèg yon ti galon gaz selon yo menm ki pap nan enterè pèsonn.

Wilnor MEDILIEN

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook