Jou ki te lendi 12 septanm 2022 a, popilasyon Tigwav la te sou brenzeng li yon lòt fwa ankò pou kontinye manifeste kont gouvènman Ariel Henry a ak yon pakèt pwoblèm k ap brase bil peyi a. Tankou zenfèyis ak gwo zam lou k ap simen dèy anndan peyi a, lavi chè, pwoblèm gaz la pou n site sa yo sèlman. Byen bonè nan lendi maten yon jenn medsen lage kòl atè, li sòti nan twazyèm etaj yon lopital, li blese grav anpil. Bilan medikal pasyèl la revele yon ponyèt li kase, yon pati nan ren l paralize.

Li te anviwon 10è nan maten pandan plizyè endividi moun pa t kapab idantifye te rale zam yo pou rele byen fò medsen responsab “Hôpital Harris” ki trouve l sou wout nasyonal nimewo 2 a, ki pa twò lwen” Belle Avenue”. Jenn medsen nou sot site a te pran panik nan chanm li, doktè Julien Toussaint sote nan 3èm etaj yon batiman. Selon yon premye bilan medikal viktim nan trouve l nan yon sitiyasyon kritik aprè yo te fin transfere l an ijans nan lopital” Notre-Dame” Tigwav la.

Jènn medsen sila fòme nan peyi Larisi. Li soti nan dram sa ak yon ponyèt li kase, yon pati nan ren l paralize pou moman sa, selon tout premye dyagnostik medikal yo, daprè sous nou.

Kèk moun ki pwòch viktim nan fè konnen sa k rive a se ta yon tantativ pou mete fen nan lavi l.
Daprè yo menm se nèg ” Belle Avenue” ki ta responsab zak sila.

Pandan rès jounen an yo te oblije transfere doktè Julien Toussaint Pòtoprens an ijans nan elikoptè pou pran laswenyay.

Wilnor MEDILIEN

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook