Jounen jedi 25 dawou 2022, nan Petyonvil, Ministè Edikasyon Nasyonal ak Fòmasyon Pwofesyonèl (MENFP) òganize jounen prezantasyon pwojè “Liv inik pou premye ak dezyèm ane lekòl fondamental la. Yon Inisyativ anpil moun bat bravo pou li konsa tou gen anpil moun ki voye l jete byen lwen.

Responsab anviwon 7 mezon edisyon te patisipe nan lansman ofisyèl sa a. Te genyen tou plizyè sendika anseyan ak patnè koperasyon nasyonal ak entènasyonal. Nan sans lan, minis Nesmy te pran lapawòl pou l remesye tout mezon sila yo ki soutni Inisyativ la.

Minis lan te esplike tou pwojè sa a vize a transfòme mòd lekòl peyi a genyen depi plis pase 200 lane. Yon lekòl daprè li ki chita sou echèk. Gen nesesite pou tranfsòme lekòl nan peyi a. Sitou pou lekòl la ka bay ti moun yo bon jan Konpetans, fè yo aprann kreyòl epi pèmèt yo metrize lang manman ak papa yo.

Anplis, pwojè “Liv inik” pral pwoteje paran yo daprè minis lan. Pi souvan, nou jwenn de paran ki paka achte pil ak pakèt liv pou timoun yo. Kidonk, inisyativ sa parèt yon avantaj bab ak moustach pou yo. Paske paran yo pa oblije achte pil liv kounya a, Pawòl Nesmy Manigat

Pou fini, daprè sa Ministè a fè konnen, pandan distribisyon “Liv Inik” lan poko koumanse nan tout lekòl pou ane akademik 2022-2023, dirijan yo ap pwofite travay sou lòt zouti tankou vèsyon nimerik liv la. Epi tou, y ap travay sou fich-aprantisaj pedagojik k ap itil timoun yo nan pwosesis fòmasyon an.

Hamilton FRANÇOIS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook