Yè samdi 20 dawout 2022 a, bandi ak zam touye pou pi piti 6 moun zòn Marasa, nan lantouray Pon Taba, ladan yo 3 manm nan menm fanmiy mouri kangannen. kont zak kriminèl sila, sou rezo sosyal Twitter, ansyen Senatè Nò a, Moïse Jean Charles montre li revòlte epi pwofite anonse soulèvman jeneral pou jounen 22 dawout la.

Apre bandi ak zam fin asasinen pou piti 6 moun, ladan yo 3 chofè moto ak 3 lòt ki soti nan menm fanmiy, jounen dimanch la, ansyen kandida pou pòs prezidan, Moïse Jean Charles krache fristrasyon li nan yon “tweet”.

Lidè Pati Politik Pitit Desalin nan estime zak sila revòltan, li dwe soulve konsyans tout sitwayen, epi fè konnen “sosyete a revòlte”.

“An n fè l yon fwa pou tout! 22 dawout soulèvman jeneral…”, nou kapab li nan “tweet” Moïse Jean Charles pibliye jounen dimanch 21 dawout la.

N ap raple, Sherwood Sondjie Desenclos, Saradjie Desenclos se 2 sè ak manman yo, Josette Fils Desenclos ki mouri griye pami moun ki jwenn lanmò yo nan zak kriminèl bandi ak zam fè yè samdi a, nan zòn Marasa.

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook