Nan yon konferans pou laprès ki òganize yè mèkredi 17 dawout 2022 a nan Miami, Depatman Sekirite Nasyonal Etazini (HSI) fè konnen yo pral pran gwo mezi pou frennen trafik zam ki genyen ant kay Tonton Sam ak Ayiti. Nan menm konferans sa, otorite yo te devwale yon ekip zam gwo kalib yo te arive sezi ki t ap transpòte pou Ayiti, daprè yon repòtaj VOA.

Pandan konferans pou Laprès sa, Anthony Salisbury, Ajan Espesyal nan Envestigation Depatman Sekirite Nasyonal nan Miami, (HSI), te pran lapawòl pou fè konnnen,
“HSI ak kolèg nou yo konstate yon gwo ogmantasyon nan trafik zam ilegal ant Etazini ak Ayiti. Non sèlman gen ogmantasyon nan kantite zam, men nou konstate se zam gwo kalib yo ye. Zam nou wè la yo se zam nou entèsepte ki te dwe ale Ayiti. Pami yo gen zam snaypè kalib 50 epi mitrayèt”.

Toujou dapre responsab HSI nan Miami, Anthony Salisbury, lòt dirijan ki nan Depatman Sekirite Nasyonal, ATF, Lapolis Miami Dade ak Minis Jistis Etazini ki patisipe nan konferans la, anonse y ap konekte ak move sitiyasyon sa, pandan y ap ogmante jefò yo “pou rive kwape trafik ilegal zam nan Karayib la ak Ayiti”.

“Nou fikse kòm priyorite, enspekte tout kago ki destine pou Ayiti. N ap enspekte koli moun ekspedye pa liy ayeryèn komèsyal yo tou”, Vernon T. Foret, direktè operasyon Sèvis Ladwàn ak Pwoteksyon Fwontyè Etazini pou rejyon Miami ak Tampa, Florid.

“Donk ansanm ak patnè nou yo n ap sèvi ak tout zouti nou genyen la, dispozisyon nou pou idantifye ak sezi zam, egzije pyès pou zam ak minisyon pou destinasyon Karayib la, akoz ogmantasyon nou konstate pou Ayiti an patikilye”, deklarasyon mesye Foret ki releye nan VOA.

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Facebook