Nan kad yon operasyon Direksyon Depatman Sant lan t ap mennen pandan wikenn ki sot pase an nan vil Mibalè, 6 moun ki akize manm gang “400 Mawozo” jwenn arestasyon yo, daprè enfòmasyon Lapolis pataje.

Ajan polisye yo kontinye ap trake bandi dènye jou sa yo. Nan Depatman Sant, 6 moun ki akize nan gang k ap krache dife nan Kwadèboukè an, 400 Mawozo, Abba kòd pandan wikenn sa.

Lis non moun sa yo ki fèmen aktyèlman nan Gadavi, daprè Centre à la Une :

1- Cherelus Makenson alyas Ti kanada 38 lane moun Kwadèboukè, arete nan komin Laskawobas.

2- Dony Camille 34 lane moun Kwadèboukè youn nan moun ki te prezan lè yo te ale pran enspektè a nan legliz la nan moman yo ta pral asasinen li.

3- Senat Jean Yves alyas pouchon 40 lane, yon chèf gang nan Domon, alye pè Lebren 400 mawozo ke lapolis nan depatman Sant t ap chèche depi lontan.

4- Fontus Manicile 36 lane moun Domon ki se madan pouchon.

5-Lubin Marie Venchelle 25 lane moun Kwadèboukè madan Dony Camille.

6-Orelien Edith 64 lane madan Fantom ki te bay prezime 400 mawozo yo kay pou te kache.

Jefferson VOLCIMUS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook