Pandan yon bò Ariel Henry ap koupe rache, wete-mete nan gouvènman li an, yon lòt bò yon pakèt ansyen gwo bawon nan ekip phtk deside rasanble tèt yo ansanm nan dat 15 sektanm 2021 an, anba yon gwo mouvman politik ki pote non << Rassemblement des Jovenelistes pour la Démocratie>> (RJD).

Nan yon nòt pou laprès ki pote siyati yon dividal ansyen gwo chèf nan rejim tèt kale a, pami yo, ansyen Minis edikasyon nasyonal Pierre Josue Agenor CADET, ansyen Minis kondisyon fanm Marie Gislhaine Monpremier, ansyen konseye Prezidan Jovnel Moise Guichard Dore, poun site sa yo selman. Non selman yo koupe fache ak ekip phtk, yo mete sou pye kokennchen mouvman sa ansanm ak senpatizan Prezidan Jovenel Moïse yo pou kontinye batay prezidan tap menenn yo.

Batay pou prezidan jwenn jistis ansanm ak tout lòt sitwayen ki tombe anba bal asasen, tankou mèt dorval. Travay pou lide Jovenel Moise yo pa mouri epi Kontribiye pou peyi a granmoun tèt li tout bon vre. Se kèk pami divès misyon manm rasanbleman jovenelis pou demokrasi bay tet yo.

Nan peryòd Kriz sa, anpil gwo manm phtk kraze kite sa, tankou sekretè jeneral pati an, Jacques Steevenson Thimoleon, ansyen senatè Jaques Sauveur Jean, Dieudonne Luma Etienne eltriye elatriye.

Nou pap bliye tou, demisyon sekretè jeneral konsèy minis yo, mouche Renald Luberice yonn nan gwo zotobre regwoupman Jovnelis yo, mèt Josue PIERRE-LOUIS gentan ranplasel aprè kèk minit demisyon li an.

Demisyon pa pil ak pa makònn sa yo, klere lantèn nou pou fèn rive konprann kalte mezantant ki te genyen ant ekip ansyen prezidan Michel Martely, ki te enpoze Ariel Henry ak ekip ansyen Prezidan Jovenel yo, enfomasyon anpil gwo medya peyi etranje bay tou tankou New-York Times.

Yon lòt kote, manm kò gwoup yo ki konpoze pa plizyè anbasadè tankou Almay, Brezil, Espay, Etazini, Lafrans, inyon ewopeyèn, reprezantan spesyal Òganizasyon Eta Ameriken (OEA) ak reprezantan sekretè jeneral Nasyon ini, Yo ankouraje jefò Premye Minis lan AP fè ansanm ak akté politik yo plis sosyete sivil la, pou yo jwenn yon akò ki ap pèmèt yo mete an Plas yon gouvènman, poun ka retounen rapid vit a yon retou fonksyonman enstitisyon demokratik yo, avèk eleksyon.

Nesny Ridge PIERRE-LOUIS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Facebook