Nan yon nòt pou laprès ki sòti jou ki te 5 septanm nan, pati politik fanmi lavalas di klè kou dlo kòk rezon Ki fè yo deside siyen akò 30 dawou 2021an.

Nan dat 2 septanm 2021, fanmi lavalas òganize yon rankont brase lide ak manb li yo pou deside ki pozisyon yo ap pran sou akò pou sòti kriz la. Se konsa yo deklare, lè a rive pou tou moun fè yon efò an plis pou mete enterè peyi a devan , pou nou ka jwenn yon antant ki pou ede nou mete kondisyon kap pèmèt demokrasi retabli nan peyi a, pou nou koupe fache ak leta konwonpi sa a, poun ranfòse enstitisyon yo, pandan nap rekonstwi peyi nou.
Pou manm òganizasyon an, pi gwo objektif antant sa a se mete yon klima lapè nan tout katye ak nan tout peyi a. answit yo kontinye pou di, pou nou jwen lapè nan tèt sa, nou bezwen yon bon jan antant politik pou chanje leta piyajè a ak pou nou rekonstwi yon leta ki o sèvis popilasyon an.
Pou fini, pati ansyen prezidan Jean Bertrand Aristide lan, salye ak ankouraje popilasyon an spesyalman tout viktim dezas ki pase nan gran sid lan.

Nesny Ridge PIERRE LOUIS

Aidez-nous en partageant l'article ! Sipote nou, pataje atik la ak tout moun!

Laisser un commentaire

Votre adresse e-mail ne sera pas publiée.

Facebook