Child support: kisa la lwa di pou nèg ki pa okipe pitit yo?

An Ayiti gen yon gwo pwoblèm, kote anpil jèn fi podyab lage ak pitit sou bwa yo, timoun sa yo gen papa e pafwa papa yo gen bon jan mwayen men yo pa okipe timoun sa.

Ou konn jwenn se paske nèg la marye lakay li epi li gwòs yon malerèz deyò a, li pran swen pitit madan marye men li pa okipe sa ki deyò. Pafwa nèg sa yo konn bay ti monnen lè lide yo di yo kòmsi se te yon favè.

Nou menm nan Mano Actualité kont sa e li lè li tan pou lage koukouwouj dèyè tout nèg ki ap mache kale kò fè jènjan pandan pitit yo nan yon kwen pa ka manje menm yon pate.

Nenpòt jan sa ye, fòk ou okipe pitit ou.

Anpil nèg pran pretèks pa okipe timoun paske fa a kite yo, oubyen fi a te kouche ak yon lòt nèg. Fi a pa oblije rete avè’w pou okipe pitit ou, afè fanm nan se pa’l li bay moun li vle li. Se pitit ou lage nan kòsay li a pou’w okipe.

Nan tan n’ap viv la, jèn fi fòk ou kale je’w, souke kòw, mete grenn, mete fanm nan fanm ou pou fè vagabon okipe pitit yo. Kèlkeswa nivo nèg la ye ni nan politik ni nan nenpòt pozisyon ou ka fè’l okipe pitit li. Tout tan nèg la gen plis mwayen li pi bon e pi fasil.

Li pa posib pou dimanch ou sou tab ap manje zwa ak madan marye ak swadizan pitit anndan e pitit malerèz ou te gwòs la pa ka bouyi yon mayimoulen bay pitit ou gen avè’l la. Se yon gwo mechanste ki nan tout rakwen peyi a ki revòlte nou.

Jodi a nou deside vin ouvè je’w jèn fi pou kontrekare tout malandren ki te gwòs ou e ki pa okipe pitit la.

Fi ki eklere ki gen kran e ki konnen sa’l vo pap pran sa nan men yon nèg. Se pa paske yon nèg ba’w ti monnen ki fè li okipe pitit li. Depi’l gen mwayen fòk ti moun nan byen viv tou.

Men kisa pouw fè pou nèg la ka okipe pitit li kòm sa dwa.

  • Nan dwa ayisyen gen yon aksyon ki rele aksyon an pansyon alimantè, se aksyon kote ou rele rele nèg la devan jij pou’w fè’l ba’w yon montan fiks chak mwa pou’w okipe ti moun nan .
  • Ti pwoblèm ki gen nan aksyon sa fòk ou gen avoka ki pou ede’w fè’l byen e fòk ou peye avoka a pou sa. Gen anpil fi ki nan sitiyasyon sa malerezman ki pa gen mwayen pou peye avoka ,e se sa ki fè anpil nèg ap kontinye fè yo mechanste. Men si yon moun ki nan sitiyasyon sa gen volonte li ka kanmenm aranje’l pou bay child support la.

Lè’w rele nèg la lajistis li ka vini ak avoka pa’l tou , pandan jij la ap trete kesyon an nèg la ka di pitit pa pou li. Dabitid se sa nèg yo toujou konn di devan jij men kounya papa pa gen wout pa bwa paske gen lwa sou ADN. Jij la ap voye fè tès ADN e nèg la pa ka pa aksepte yo pike li pou pran san’l pou wè si pitit la pou li.

Depi pitit la se pou nèg la jij la ap deside yon montan lajan chak mwa pou’l ba ou, toutotan nèg la gen plis mwayen jij la ap fè’l ba’w plis kòb.

Yon nèg pa gen dwa pa okipe pitit li pou’l alez.

  • Sa ki pi bèl la yon moun lajistis deside bal Child support, depi li pase 2 mwa li pa peye ou ka fè komisè gouvènman an konvoke’l pou fòse’l peye. Si li pèsiste li pa peye 1 mwa apre konvokasyon an komisè gouvènman an ap arete li mete nan prizon , lè’l peye la lage.

Ou menm ki ap soufri ak yon pitit sou bwa’w, bal la nan pye’w , jodi a Mano Actualité ak Me Pelex Flereme montre ou chemen an. Si ou poko gen lajan pou peye avoka pou sa, kòmanse fè pwojè a pou egzanp kòmanse trase nan sosyete nou an. Gen avoka tout kote nan peyi a e yo gen konpetans pou ede’w, paske toutotan gen timoun ki ap mal viv, ki pa ka al lekòl, se plis delenkans, ti kidnapè , ti volè k’ap genyen. Annou fòse fo papa sa yo okipe timoun yo.

Ou menm ki jenn avoka , jiris ak etidyan, pwosedi child support Ayiti a n’ap jwenn li nan yon dekrè ki rele: Décret du 14 septembre 1983 portant sur le recouvrement des créances d’aliment.

Me Pelex Flereme

Aidez-nous en partageant l'article ! Sipote nou, pataje atik la ak tout moun!
10 thoughts on “Child support: kisa la lwa di pou nèg ki pa okipe pitit yo?”
  1. Good V I should certainly pronounce, impressed with your web site. I had no trouble navigating through all the tabs as well as related info ended up being truly easy to do to access. I recently found what I hoped for before you know it at all. Quite unusual. Is likely to appreciate it for those who add forums or something, website theme . a tones way for your client to communicate. Nice task..

  2. Hi, Neat post. There is a problem with your website in internet explorer, would check this… IE still is the market leader and a big portion of people will miss your fantastic writing because of this problem.

Laisser un commentaire

Votre adresse e-mail ne sera pas publiée.

Facebook